admin2 :: نائب المدير ::
عدد الرسائل : 160 العمر : 41 الموقع : http://hassan.buy-talk.com العمل/الترفيه : كاعد وساكت المزاج : متعجرف تاريخ التسجيل : 05/08/2007
| موضوع: قصيدة للوطن الغالي الأحد سبتمبر 16, 2007 2:53 pm | |
| أُعبـر عَلـيَّ ولا تِـظِـن
ياذيني مَشْيَـك مِـنْ تُمُـر
انت الهَوَى وانته الضّـوى
وانتـ القصايـد والشِّعـر
مُر يا وطن.. ذيچ الشَمـس
لا تنتظِـر .
***
زادوا عَليهـا أهْـل الكفـر
ذِبحوا فَرحتـك يـا وَطَـن
لازم يشِـع نـور الفَـجِـر
ما ينكسِف وَجْـه الشَمـس
بغيـوم سـود ولا صُفـر .
***
انت اكْتبـت قصـة الزَّمـن
وانت انولـد بيـك الفكِـر
يا سومَـر و بابـل وأكـد
واوروك وحَضـر
يـا أوّل اكتـاب ونَـشِـر
يـا أوّل احـروف وحِـبـر
يردوني أعوفـن عِشرِتـك
وأحباب چنّا امْـن الزغـر
واشلون أعيش ابلا عِـشِگ
وانكُـر صُحبتـك واسْتِقـر
وآنه اشرَبت مايَـك شَهَـد
واتنسَّمِـت ريحَـك عِطِـر
وابحضن أُمّي امْـنِ المَهَـد
***
مُر يا وطَن
و وْياك أَبدي امْـن الصِفـر
وانبض الك طـول العمـر
ما هـاب أنـه ولا أعتـذر
اوگف لـكْ ابوجـه العِـدى
واعبر لكْ الـدَّرب الخَطـر
وارفَـع بـيـارغ للسِّـمـا
اترِف ابفخَر بيض وخِضـر
بيهـا العمايـم والــعگل
سود و تِشِـع مثـل البَـدر
أهـل المضايـف والكـرم
والـزّود وزنـود السـمُـر
أهـل المگاويـر البـقـت
هوسـات عِـز وتنـذِكـر
***
بالله ومحـمَّـد وبـعَـلـي
اوْ وِلدَه المياميـن الزُهُـر
تبقـى المـآذِن والكـنـا-
ئِس تِصدَح ابصبح وعَصـر
واطفالنـا اتعـود ابـفـرح
بَيـن المـدارس تبتشـر .
***
بسم الله اعيذك يـا وطَـن
واعلگ لك اشموع الخِضِـر
تمضي الشدايـد والمِحَـن
ويظـلْ الـك تـاج الفَخِـر
واعْـداك مهمـا طـاولـوا
نهزمهُـم ابصايَـة عَـلـي
رادوا يمكـرون و نِـسَـوا
ربَّـك الَِـهْ الكَـرْ والمكِـر
مَهيوب دومَـك يـا وطَـن
مَهيـوب يـا عِـز ونصـر
| |
|
رؤى الالوسي ملكة المنتدى
عدد الرسائل : 267 العمر : 40 الموقع : https://dj-mex.yoo7.com العمل/الترفيه : ماكو شي(بس طالبة) المزاج : حلو و يخبل تاريخ التسجيل : 12/09/2007
| موضوع: رد: قصيدة للوطن الغالي الثلاثاء سبتمبر 18, 2007 6:23 pm | |
| عاشت ايدك ابو هاجر قصيدة كلش حلوة ومعانيها لطيفة تقبل مروري | |
|
admin ..:موئسس المنتدى:..
عدد الرسائل : 297 العمر : 36 الموقع : بغداد العمل/الترفيه : طالب المزاج : كرة قدم تاريخ التسجيل : 03/08/2007
| موضوع: رد: قصيدة للوطن الغالي الأربعاء سبتمبر 19, 2007 5:40 am | |
| مشكووووووووووور ابو هاجر على القصيده الرائعه | |
|