سلامن عليكم شلونكم
جبتلكم اليوم شون ابوذيات طالعة من الاوفن تاكلوهة ورة الفطور
لانك من تزامط مو منهلك
اخاف تشيل ذنبي مومنهلك
منو بكدي يحبك مومناهلك
منو بكدي يحبك من عشرتك
وتمنه يصير اصبع من عشرتك
وانه شكضيت خايب من عشرتك
واعد بسنين عشرتنه وهجروح
واحس ويه النفس يطلع وهجروح
واخيرا كلت ودعني وهج روح
اروحن وين ما اكدر هوانته
وانا لماهان من اجلك هونته
الي بدنياي شي واحد هوانته
وحرت بين لتركته ونتبعته
وانه لونيت ولون ونتيبعته
ماباعك حبيبك وانته بعته
حبيبك باع عمره وشترك بيه
وحزن كلبي اعله حزنك وشترك بي
بعد شتدوس كلبي وشترك بيه
جبل حبك وتكلكل منتكل بيه
ويادنيه اشما دفعتي منتي كلبيه
واذا تنساه ياكلبي منته كلبي
ولا ريدك بعد وبصدري احملك
وحبيبي اشلون ترضه بصدري احملك
اذا حملك يتعبك صدره حملك
الي وروحي الارض وشكد دولها
وتداوي الداء لو بلمر دوله
بس العين مايحصل دولها
دواها العين خلها منتقر بيه
وتصب كلما تشوفك منتقربي
ولك شي صير حبك منتقر بيه
وتحبني انته يقين بصدري موشك
والف شوكه السكوت بصدي موشك
انذبح كلبي وتشضه بصدري موشك
وعرف محد يدفنه وشي دفن شي
وعكب صدره المواكب شي دفن شي
كفر من رسم غيرك شي دفن شي
واضن للجنه يدخل منيرسمك
وحبيبك ينسه حسنه منيرسمك
بسمك حبي جمالك منيرسمك
وانه الليل بعيونك شفته كحله
وشفت شمس الاصيل وشفتك احلى
العسل من ضكته كلك شفتك احلى
اذن لو منشفاهك يستكشفه
اذا انته المات يعدل بستكشفه
شتضن حبك يضعفك بستكشفه
وعلي تخفي اهتمامك وكتراثك
وانا لمن مات كلبي وكتي راثك
نسيت الحب الاول وكتراثك
صدك ينه تراثه هسه جيلك
وتشوف سواد عيني هلسجي لك
وانادي وماتكلي هسه اجيلك
صحتلك يا وصارت كبري يائي
واذا رائيت بلشط كبريائي
حبيبي اشلون تجرح كبريائي
وتذلني اكبال كل ناسك وناسي
ووبقيت بصحره تضل شاتلني وناسي
ناس اتكول لاتسكت وناسي
لئن كلش مذلتي لاكتلهم
وجبل حبي المقدس لاكتلهم
كالوا حيل ذلك لاكتلهم
عنايه احتاج كلبه وجاي اعانيه
وخفيت شكثر منك جايعتني
تمرمرني من ازورك جايع اني
اشكثر ندمان جي بيتك عتبته
وعرفني الباب من دكتي وعتبته
عتابي وياك جي احبه عتبته
كلبي اشلون يمهم وكسرته
اسير وذل يمهم وكسرته
كبل جانت اسرتك وكسرته
اسرتك هســـــــــــه سمتني الضحيه
وياريت تعجبكم يمه
الف عافية
خاص لابو هاجر وابو عته والملكات